Göygöldə piyadanı avtomobil vurub 

Göygöl rayonunda piyadanın vurulması ilə nəticələnən yol-nəqliyyat hadisəsi baş verib. 

"Report"un Qərb Mərkəzinin məlumatına görə, qəza Göygöl şəhər ərazisində qeydə alınıb.

Belə ki, 1958-ci il təvəllüdlü Knyaz Hacıyev yolu keçmək istəyərkən avtomobil onu vurub.  Müxtəlif bədən xəsarətləri alan piyada xəstəxanaya yerləşdirilib. Onun vəziyyətinin orta-ağır olduğu bildirilir. 

Faktla bağlı araşdırma aparılır.