Göygöl sakinindən silah-sursat götürülüb

Göygöl rayon sakinindən silah-sursat götürülüb. 

Bu barədə Report"un Qərb Mərkəzinə DİN-in Mətbuat Xidmətinin Gəncə regional qrupundan məlumat verilib. 

Bildirilib ki, Göygöl Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Topalhəsənli kənd sakini Mərdan Həsənovun kənddə yaşadığı evə baxış keçirilən zaman oradan 1 ədəd “Karabin” markalı yivli odlu silah və həmin silaha aid 29 ədəd patron aşkar olunaraq götürülüb.

Faktla bağlı cinayət işi başlanılıb, araşdırmalar davam etdirilir.