Göygöl-Gəncə yolunda zəncirvari qəza olub, xəsarət alanlar var - YENİLƏNİB

Gəncə-Göygöl avtomobil yolunda üç nəqliyyat vasitəsinin iştirakı ilə baş verən yol qəzası hadisəsi zamanı xəsarət alanların kimliyi məlum olub.

"Report"un Qərb bürosu xəbər verir ki, bunlar 1941-ci il təvəllüdlü Alim Cəfərov, 1964-cü il təvəllüdlü Rafael Qafarov, 1992-ci il təvəllüdlü Aqil Bayramov və 2006-cı il təvəllüdlü Elmir Hüseynovdur.

A.Cəfərovun vəziyyəti ağır olaraq qiymətləndirilir.

13:04

Gəncə-Göygöl avtomobil yolunda üç avtomobilin iştirakı ilə yol-nəqliyyat hadisəsi baş verib.

"Report"un Qərb bürosunun məlumatına görə, "İsuzu" markalı sərnişin avtobusu, "VAZ-2107" və "Passat" markalı avtomobillər toqquşub.

Qəza nəticəsində beş nəfər xəsarət alıb və yaralılar xəstəxanaya yerləşdiriliblər.

Hadisə nəticəsində yolda tıxac yaransa da, sonradan nəqliyyat vasitələrin hərəkəti bərpa edilib.

Faktla bağlı araşdırmalar aparılır.