Goranboyda velosipedçi dərəyə aşaraq ölüb

Goranboyda gənc oğlan ehtiyatsızlığın qurbanı olub.

"Report"un Qərb Mərkəzinin məlumatına görə, hadisə rayonun Borsunlu kəndində qeydə alınıb. 

Belə ki, 11-ci sinif şagirdi Məmmədov Səməd Arzu oğlu velosipedlə hərəkətdə olan zaman idarəetməni itirərək dərəyə aşıb. 

Ağır xəsarət alan oğlan xəstəxanaya aparılsa da, onun öldüyü məlum olub.

Faktla bağlı araşdırma aparılır.