Gəncə. 8 iyul. REPORT.AZ/ Gəncə şəhər Mərkəzi bazarında (Keçəllər bazarı) ölüm hadisəsi baş verib.
"Report"un Qərb bürosunun verdiyi məlumata görə, yerli sakin 1964-cü il təvəllüdlü Əliyev Mobil Əliqulu oğlu bu gün səhər saatlarında bazarda dünyasını dəyişib.
Belə ki, M.Əliyev bazarda satıcı işləyən oğlunu əvəz etmək üçün işə gələrkən qəfildən halı pisləşib. Dərhal Təcili tibbi yardım çağırılıb. Amma onu həyata qaytarmaq mümkün olmayıb.
Faktla bağlı araşdırmalara başlanılıb.