Gəncədə qəbiristanlıqda işləyən qadın döyülüb, vəziyyəti ağırdır

Gəncə. 18 sentyabr. REPORT.AZ/ Gəncə şəhərində qəbiristanlıqda işləyən qadın döyülüb.

"Report"un Qərb bürosunun verdiyi məlumata görə, hadisə 1 nömrəli şəhər qəbiristanlığında baş verib. 

Belə ki, qəbiristanlıqda xadimə işləyən, 1965-ci il təvəllüdlü Dilşad İsa qızı İsmayılova müxtəlif bədən xəsarətləri ilə xəstəxanaya yerləşdirilib. Vəziyyətinin ağır olduğu bildirilir. Qadının yaxınları deyib ki, D.İsmayılova qəbiristanlıqda çalışan başqa bir işçi tərəfindən döyülüb.

Faktla bağlı araşdırma aparılır.