FHN: İrana məxsus yük gəmisinin heyət üzvünün axtarışlarına helikopter və gəmi cəlb olunub

Bakı. 27 fevral. REPORT.AZ/ İran bayrağı altında üzən TARADİS yük gəmisinin heyət üzvünün axtarışları davam etdirilir. 

"Report" Fövqəladə Hallar Nazirliyinin (FHN) saytına istinadən xəbər verir ki, axtarışlar Xəzər dənizinin Azərbaycan Respublikasına aid olan hissəsində aparılır. 

Bu gün aparılan axtarış işlərinə Fövqəladə Hallar Nazirliyinin Aviasiya dəstəsinin helikopteri və Dövlət Sərhəd Xidmətinin Sahil Mühafizəsinin gəmisi cəlb olunub. 

Əlavə məlumat veriləcək.