FHN Bakı yaxınlığında ölümlə nəticələnən avtoqəza ilə bağlı məlumat yayıb

Bakı. 14 noyabr. REPORT.AZ/ Fövqəladə Hallar Nazirliyi (FHN) Bakı yaxınlığında baş verən qəza ilə bağlı məlumat yayıb. "Report" nazirliyin rəsmi saytına istinadən xəbər verir ki, Qaradağ rayonunda “Mercedes” markalı minik avtomobili yol kənarındakı işıq dirəyinə və yolayırıcı dəmir çəpərlərə çırpılıb. Hadisə yerinə cəlb olunan xilasedicilər sürücü, 1985-ci il təvəllüdlü İsgəndərov Natiq Zirəddin oğlunun meyitini deformasiyaya uğrayan avtomobildən çıxarıb və aidiyyəti üzrə təhvil veriblər. Əməliyyat saat 15:04-də başa çatıb.