Əhmədlidə yaşlı kişinin vurulması ilə nəticələnən qəza baş verib

Bakı. 3 oktyabr. REPORT.AZ/ Bakının Xətai rayonu ərazisində ahıl kişini avtomobil vurub.

"Report" xəbər verir ki, yol-nəqliyyat hadisəsi Əhmədli qəsəbəsi, Ramiz Quliyev küçəsində qeydə alınıb.

1950-ci il təvəllüdlü Əliyev Arif Yəhya oğlu yolun piyadalar üçün nəzərdə tutulmayan hissəsindən keçərkən onu minik avtomobili vurub. Sürücü yaralını xəstəxanaya aparıb.

Sürücü Xətai Rayon Polis İdarəsinin əməkdaşları tərəfindən saxlanılıb.