Bu ilin ilk altı ayında dövlətə vurulmuş ziyanın üç milyon manatdan çoxunun ödənilməsi təmin edilib

Bakı şəhəri üzrə prokurorluq orqanları tərəfindən bu ilin ilk altı ayında dövlətə vurulmuş ziyanın üç milyon manatdan çoxunun ödənilməsi təmin edilib.

“Report” xəbər verir ki, bu barədə Bakı Şəhər Prokurorluğunun 2024-cü ilin I yarımilinə həsr olunmuş əməliyyat müşavirəsi zamanı bildirilib.

Məlumata görə, ibtidai istintaqı tamamlanmış cinayət işləri üzrə ümumilikdə dövlətə, fiziki və hüquqi şəxslərə vurulmuş 6 milyon 492 min 425 manat məbləğində maddi ziyanın 3 milyon 527 min 109 manatı və ya 54,3%-nin ödənilməsi təmin edilib.