Cocuqmərcanlı kəndində 208 min 790 kvadratmetr ərazi minaaxtaran itlərin köməyi ilə təmizlənib

Cəbrayıl rayonunun Cocuqmərcanlı kəndində altı ay ərzində 208 min 790 kvadratmetr ərazi minaaxtaran itlərin köməyi ilə mina və partlamamış hərbi sursatlardan təmizlənib.

"Report"un Cəbrayıla ezam olunmuş əməkdaşı xəbər verir ki, bu barədə Minalardan və partlamamış hərbi sursatlardan təmizləmə üzrə İşçi qrupunun Cəbrayıl ərazisində aparılan təmizləmə əməliyyatları ilə tanışlıq zamanı məlumat verilib.

Bildirilib ki, təmizləmə qrupu 229 min 205 kvadratmetri 133 günə təmizləyib. Bunun 20 min 415 kvadratmetri əllə, 208 min 790 kvadratmetri minaxtaran itlərin yardımı ilə icra olunub. Ümumilikdə piyada əleyhinə 127, tank əleyhinə 200 mina tapılıb, 23 parlamamış hərbi sursat aşkar olunub.