Biləsuvarda yol qəzası olub, xəsarət alanlar var

Biləsuvar rayonunda 3 nəfərin xəsarət alması ilə nəticələnən yol qəzası baş verib.

“Report”un Muğan bürosunun məlumatına görə, hadisə rayonun Səmədabad kəndində qeydə alınıb.

İlkin məlumata görə, minik avtomobilinin aşması nəticəsində üç nəfər - 1985-ci il təvəllüdlü Rövşən Rzayev, 1966-cı il təvəllüdlü Fəda Nəsirov və 1964-cü il təvəllüdlü Əhmədov Nizam xəsarət alıb.

Yaralılar xəstəxanaya çatdırılıb.

Faktla bağlı araşdırma aparılır.