Biləsuvarda iki minik avtomobili toqquşub, yaralanan var

Biləsuvar. 7 aprel. REPORT.AZ/ Biləsuvar rayonunda bir nəfərin xəsarət alması ilə nəticələnən yol qəzası baş verib.

"Report"un Aran bürosu xəbər verir ki, rayon ərazisində iki minik avtomobilinin toqquşması nəticəsində sərnişinlərdən biri - 1994-cü il təvəllüdlü Masallı rayon Qızılavar kənd sakini Kərimli Peyman İntiqam oğlu müxtəlif bədən xəsarətləri alıb.

Yaralı Cəlilabad Rayon Mərkəzi Xəstəxanasına gətirilib. Ona ilkin tibbi yardım göstərilib.

Faktla bağlı araşdırma aparılır.