Yuxarı

Bərdədə maşın su kanalına düşüb 3 nəfər boğularaq ölüb

Faktla bağlı Bərdə Rayon Polis Şöbəsində araşdırma aparılır

Bərdə. 1 avqust. REPORT.AZ/ Bərdə rayonunda ölümlə nəticələnən ağır yol-nəqliyyat hadisəsi baş verib. "Report"un Qarabağ bürosu xəbər verir ki, hadisə rayonun Nazırlı kəndi ərazisində baş verib. 
Belə ki, həmin kəndin sakini Yəhya Kərimovun idarə etdiyi "Mercedes" markalı avtomobil su kanalına aşıb. 

Nəticədə, sürücü və onun sərnişinləri Bəxtiyar Yusifli və Dilqəm Məmmədov suda boğularaq ölüblər. Meyitlər kanaldan çıxarılaraq adiyyəti üzrə təhvil verilib. 

Faktla bağlı Bərdə Rayon Polis Şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi