​Bərdədə 20 yaşlı qadın intihara cəhd edib

Bakı. 25 oktyabr. REPORT.AZ/ Bərdə rayonunda intihara cəhd hadisəsi baş verib.

"Report" xəbər verir ki, rayonun Muğanlı kənd sakini, 1995-ci il təvəllüdlü Məmmədova Sənubər Ədalət qızı çoxlu sayda dərman pereparatları qəbul edərək özünü öldürməyə çalışıb.

Rayon Mərkəzi Xəstəxanasından verilən məlumata görə, 20 yaşlı iki uşaq anası zəhərlənmə diaqnozu ilə xəstəxananın Reanimasiya şöbəsinə yerləşdirilib.

İlkin ehtimala görə, hadisəyə ailədə baş verən münaqişə səbəb olub.

Faktla bağlı rayon Polis şöbəsində araşdırma aparılır.