Yuxarı
    Bağlamaq

    Bərdədə məskunlaşmış 16 yaşlı məcburi köçkün itkin düşüb - FOTO

    Laçın Qasımov dörd gün əvvəl səhər saatlarından evdən çıxıb və geri qayıtmayıb

    Bərdə. 13 aprel. REPORT.AZ/ Bərdə rayonunun Meşəcilik İnstitutu ərazində məskunlaşan Kəlbəcədən olan məcburi köçkün, 16 yaşlı Laçın Qasımov itkin düşüb. 

    "Report"un Qarabağ bürosunun məlumatına görə, o, aprelin 10-da səhər saatlarında məktəbə getmək adı ilə evdən çıxıb və geri qayıtmayıb. 

    Araşdırmalar nəticəsində məlum olub ki, 8 sinif şagirdi olan L.Qasımov həmin gün məktəbə getməyib. İlkin məlumata görə, evdən getməmişdən bir neçə gün əvvəl atası L.Qasımovun mobil telefonunu sındırıb. Bu səbəbdən də yeniyetmə ailəsindən küsüb və evdən qaçıb. 

    Atası Tapdıq Qasımovun sözlərinə görə, 16 yaşlı oğlu əqli cəhətdən tam normaldır. Valideynləri əvvəlcə oğlanın yaxın qohumlarıgilə getdiyini düşünsələr də, bu ehtimal özünü doğrultmayıb.

    Anası Pərvanə Heydərovanın sözlərinə görə, yerli sakinlər 16 yaşlı yeniyetməni məktəbin yaxınlığında yerləşən internet klubda görüblər, amma onun hansı istiqamətə getdiyi bilinmir.

    Valdeyinləri hadisə ilə bağlı Bərdə rayon Polis Şöbəsinə məlumat veriblər. Hazırda polis L.Qasımovun axtarışlarını davam etdirir.

    Qeyd edək ki, Qasımovlar ailəsi əvvələr Bakı şəhərində yaşayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi