Bərdədə 110 kilo at əti satışının qarşısı alınıb - FOTO

Bərdə. 14 oktyabr. REPORT.AZ/ Bərdə Rayon Baytarlıq İdarəsi Karantin polisi ilə birgə rayon ərazisində at əti satışının qarşısını alıb. 

"Report"un Qarabağ bürosunun məlumatına görə, keçirilən reyd zamanı rayonun Bakı küçəsində yaşayan Novruzova Vəsilə Ərşad qızı və onun oğlu Niyamədin Novruzovun yaşadığı evin həyətindəki tikilidə 110 kq at əti aşkar edilib.

Ərazidən götürülən at əti rayon Baytarlıq İdarəsinin soyuducu anbarına yerləşdirilib. Eyni zamanda atın ətindən və daxili orqanlarından pataloji nümunə götürülərək Respublika baytarlıq laboratoriyasına göndərilib.

Ekspert rəyindən sonra əlavə tədbirlər görüləcək.