Cəlilabadda XIV-XV əsrlərə aid başdaşı tapılıb - FOTO

Cəlilabad. 1 yanvar. REPORT.AZ/ Cəlilabad rayonunda XIV-XV əsrlərə aid olması ehtimal edilən başdaşı tapılıb.

"Report"un Muğan bürosunun məlumatına görə, tapıntını yerli tarixçi Rza Rzayev rayonun Ağdaş kəndinin qəbirstanlığı ərazisində aşkar edib.

Tarixçinin sözlərinə görə, başdaşı orta əsrə aiddir və sufilərə məxsusdur. O həmçinin qeyd edib ki, Ağdaş kəndinin tarixi 3 min ilə yaxındır.

Qeyd edək ki, tapıntı ilə bağlı AMEA-ya müraciət ediləcək.

Xatırladaq ki, daha əvvəl Cəlilabadda qədim dövrə aid olduğu ehtimal edilən daş kitabənin bir hissəsi tapılıb.