Cəlilabadda qədim dövrə aid daş kitabənin bir hissəsi tapılıb - FOTO

Cəlilabad. 16 oktyabr. REPORT.AZ/ Cəlilabad rayonunda qədim dövrə aid olduğu ehtimal olunan daş kitabənin bir hissəsi tapılıb.

"Report"un Muğan bürosunun məlumatına görə, daş kitabə rayonun Uzuntəpə kənd ərazisində sakinlər tərəfindən su kanalında aparılan qazıntı zamanı aşkar edilib. 

Tarixçi Ələsgər Mirzəzadə "Report"un yerli bürosuna bildirib ki, bu tapıntı qədim dövrü əks etdirən daş kitabənin sınmış hissəsidir: "Daşın üzərindəki yazı Mixi və Kufi yazılarına uyğun gəlir. Həmçinin Qədim Türk yazılarına da oxşarlığı var".

Qeyd edək ki, tapıntı ilə bağlı Azərbaycan Milli Elmlər Akademiyasına müraciət edilib.