Bakıda sürücü piyadanı vuraraq ərazidən qaçıb

Bakı. 24 iyun. REPORT.AZ/ Bakıda sürücü piyadanı vuraraq ərazidən qaçıb.

"Report"un xəbərinə görə, hadisə Suraxanı rayonunda qeydə alınıb.

Belə ki, Hövsan qəsəbəsində yolu keçmək istəyən 1987-ci il təvəllüdlü Hacıyev Yusif Rauf oğlunu minik avtomobili vurub. Hadisəni törədən sürücü ərazidən uzaqlaşıb. Xəsarət alan şəxs yoldan keçən sürücünün köməkliyi ilə xəstəxanaya yerləşdirilib.

Faktla bağlı araşdırma aparılır.