Bakıda qətl törətməkdə şübhəli bilinən şəxs saxlanılıb

Bakı. 28 dekabr. REPORT.AZ/ Bakıda qətl törətməkdə şübhəli bilinən bir nəfər saxlanılıb.

"Report"un Daxili İşlər Nazirliyinin rəsmi saytına istinadən verilən məlumata görə, polis və prokurorluq orqanları əməkdaşlarının həyata keçirdikləri istintaq və əməliyyat-axtarış tədbirləri nəticəsində dekabrın 23-də Bakı şəhər sakini Elşad Əmirovu qətlə yetirməkdə şübhəli bilinən paytaxt sakini Elçin Həsənov tutulub, daha bir nəfər isə müəyyən edilib.

Araşdırmalara davam etdirilir.