Yuxarı

​Bakıda mənzili banka girov qoyulan qadın dələduzluqla üzləşib

Faktla bağlı araşdırma aparılır

Bakı. 30 iyun. REPORT.AZ/ Bakı şəhərində daha bir şəxsə qarşı dələduzluq edilib.

“Report”un xəbərinə görə 39 yaşlı Sevinc Zülfüqarova hüquq-mühafizə orqanlarına ərizə ilə müraciət edərək bildirib ki, ona qarşı dələduzluq olub.

Onun sözlərinə görə, 2015-cü ilin mart ayında Səbuhi Məhəmmədəli adlı şəxs onu aldadaraq Nərimanov rayonu Çəmənzəminli küçəsi 53 ünvanında yerləşən mənzilini Pakistan Milli Bankının Bakı şəhərindəki filialında girov qoyaraq 115 min manat məbləğində kredit götürüb. Lakin indiyədək S.Məhəmmədəli S.Zülfüqarovanın evini və ya müvafiq məbləğdə pulunu ona qaytarmayıb.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi