Bakı. 21 dekabr. REPORT.AZ/ Bakıda mənzildən 10 000 manat dəyərində qızıl-zinət əşyaları oğurlanıb.
"Report"un xəbərinə görə, hadisə Suraxanı rayonu, Qaraçuxur qəsəbəsi, İlqar Musayev küçəsi ev 5 ünvanında qeydə alınıb. Belə ki, ev sahibi 1971-ci il təvəllüdlü Nəbiyev Bəşir Adil oğlu evdə olmadığı müddətdə naməlum şəxs və ya şəxslər açar seçmə yolu ilə evə daxil olub. Həmin evdən 10 000 manat dəyərində qızıl-zinət əşyaları oğurlanıb.
Faktla bağlı Suraxanı Rayon Polis İdarəsində araşdırma aparılır.