Bakıda kütləvi dava olub, 2 nəfər bıçaqlanıb

Bakı. 18 sentyabr. REPORT.AZ/ Bakıda 2 nəfərin bıçaqlanması ilə nəticələnən kütləvi dava olub.

"Report" xəbər verirki, hadisə Qaradağ rayonunda qeydə alınıb.

Belə ki, Müşviqabad qəsəbəsində 6 nəfər arasında əlbəyaxa dava olub. Nəticədə 1992-ci il təvəllüdlü Əhmədov Emil Elşən oğlu və həmyaşıdı Rəvan Həsənov bıçaqlanıb. Yaralılar xəstəxanaya yerləşdirilib. Həkimlərin verdiyi məlumata görə, onların hər ikisinin vəziyyəti ağırdır.

Faktla bağlı Qaradağ Rayon Polis İdarəsində araşdırma aparılır.