Bakıda Gürcüstan səfirliyinin əməkdaşı qəzaya düşüb

Bakıda yol-nəqliyyat hadisəsi baş verib.

“Report”un xəbərinə görə, hadisə Nizami rayonu, Qara Qarayev prospektində qeydə alınıb.

Belə ki, Gürcüstanın Azərbaycandakı səfirlyinin əməkdaşı Yunus Xasıyevin sürücüsü olduğu diplomatik korpusa məxsus “Hyundai” markalı avtomobillə Natiq Bağırovun idarə etdiyi “Mercedes” markalı avtomobil toqquşub.

Qəza zamanı hər iki maşının sürücüsü yüngül dərəcəli xəsarət alıb.