Bakıda bina tikintisi zamanı fəhlə yıxılaraq ölüb

Bakı. 19 aprel. REPORT.AZ/ Bakıda bina tikintisi zamanı fəhlə yıxılaraq ölüb.

“Report”un xəbərinə görə, hadisə paytaxtın Xətai rayonu, N.Tusi küçəsində qeydə alınıb.

Orada tikilməkdə olan binada fəhlə işləyən 1984-cü il təvəllüdlü Şəhriyar Əliyev binanın beşinci mərtəbəsindəki liftin şaxtasından yıxılaraq ölüb.

Hüquq-mühafizə orqanları faktla bağlı araşdırma aparır.

Qeyd edək ki, həmin bina “Amal” MTK tərəfindən inşa olunur.