Bakıda tikinti zamanı fəhlə hündürlükdən yıxılaraq iki ayağını qırıb

Bakı. 5 aprel. REPORT.AZ/ Bakının Yasamal rayonunda bina tikintisi zamanı fəhlə yıxılaraq iki ayağını qırıb.

"Report" xəbər verir ki, hadisə Zahid Xəlilov küçəsi, 576-cı məhəllədə qeydə alınıb.

Belə ki, 1973-cü il təvəllüdlü Əsgərov Fərman Ələsgər oğlu 3-cü mərtəbədən yıxılıb. O, "təcili yardım" maşını ilə xəstəxanaya yerləşdirilib. Həkimlərin dediyinə görə, F.Ələsgərovun hadisə nəticəsində iki ayağı sınıb.

Faktla bağlı Yasamal Rayon Polis İdarəsinin 28-ci Polis bölməsinin əməkdaşları hadisə yerinə cəlb edilib.

Araşdırma aparılır.