Bakıda avtomobilin dövlət qeydiyyat nişanları oğurlanıb

Bakıda avtomobilin dövlət qeydiyyat nişanlarını oğurlayan şəxs tutulub.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Binəqədi Rayon Polis İdarəsinin 40-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində dekabrın 2-nə keçən gecə Çiçək qəsəbəsi ərazisindən “BMW” markalı bir avtomobilin dövlət qeydiyyat nişanlarını oğurlamaqda şübhəli bilinən Ağdam rayon sakini N.Bəhrəmov saxlanılıb.

Faktla bağlı araşdırma aparılır.