Bakıda avtomobil 56 yaşlı kişini vurdu

Bakı-Sumqayıt avtomobil yolunda piyadanın xəsarət alması ilə nəticələnən yol-nəqliyyat hadisəsi baş verib.

“Report” xəbər verir ki, hadisə yolun 9-cu km-də qeydə alınıb.

Belə ki, 1964-cü il təvəllüdlü Əzizov Mürşüd Əvəz oğlu yolun qadağan olunmuş hissəsindən keçərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Həkim müayinəsindən sonra ona döş qəfəsinin əzilməsi diaqnozu qoyulub.

Faktla bağlı araşdırma aparılır.

İlqar Abdullayev