Yuxarı

​Bakıda 30-dan artıq sərxoş sürücü saxlanılıb - FOTO

“VAZ 2107”in yük yerini daş parçaları və qumla dolduran sürücü də cərimlənib

Bakı. 1 avqust. REPORT.AZ/ Bakı Şəhər Baş Polis İdarəsi Dövlət Yol Polisi İdarəsinin (BŞDYPİ) əməkdaşları paytaxtda reydlər keçirib. “Report” xəbər verir ki, reydlər zamanı paytaxt küçələrində avtomobili sərxoş vəziyyətdə idarə edən 30-dan artıq sürücü müəyyənləşib. Saxlanılan avtomobillər cərimə meydançasına aparılıb. Sürücülər isə inzibati məsuliyyətə cəlb edilib. Reydlər zamanı sərxoş sürücülərlə yanaşı, avtomobili qadağan olunmuş pərdə və plyonkalarla idarə edən, nəqliyyat vasitələrinin konstruksiyalarında dəyişiklik edən, avtoxuliqanlıq hərəkətlərinə yol verən sürücülər də cərimələnib.

Reyd zamanı avtomobilin ön hissəsinin yuxarı qalxması üçün maşının yük yerini daş parçaları və qumla dolduran sürücü saxlanlıb. “VAZ 2107” markalı avtomobilin sürücüsü barəsində protokol tərtib edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi