Bakıda 2 yaşlı körpə bədbəxt hadisə nəticəsində ağır xəsarət alıb

Bakının Nəsimi rayonunda bədbəxt hadisə zamanı 2 yaşlı körpə ağır xəsarət alıb.

“Report”un məlumatına görə, Mirəli Qaşqay küçəsində yaşayan 2021-ci il təvəllüdlü N. Əliyeva ehtiyatsızlıqdan sağ əlini evdə işlək vəziyyətdə olan elektrik dəzgahına salıb.

Ağır xəsarət alan körpə xəstəxanaya çatdırılıb. Onun əlinin dəzgahdan çıxartmaq üçün Fövqəladə Hallar Nazirliyinin (FHN) xilasetmə qrupu cəlb edilib və Əliyeva N. xilas edilib.

Həkimlərin müayinəsi zamanı ona sağ əlin barmağlarının çoxsaylı kəsilmiş-didilmiş yaraları diaqnozu qoyulub.

Hadisənin təfərrüatı araşdırılır.