Bakı Şəhər Prokurorluğu 2018-ci ildə uğurlu nəticələr əldə edib

Bakı Şəhər Prokurorluğu 2018-ci ildə uğurlu nəticələr əldə edib Bakı. 24 yanvar. REPORT.AZ/ 2017-ci ildə şəhər ərazisində prokurorluq və polis orqanları üzrə 12122 hadisə qeydə alındığı halda, 2018-ci ildə 309 hadisə, yəni 2,5% azalaraq 11813 hadisə olub, qeydə alınmış cinayətlərin açılma faizi 0,2% çoxalaraq 80,2%, ağır və ya xüsusilə ağır cinayətlərin sayı isə 582 hadisə və ya 30,8% azalaraq 1308 hadisə təşkil edib.
Hadisə
2841
24 Yanvar , 2019 17:19
Bakı Şəhər Prokurorluğu 2018-ci ildə uğurlu nəticələr əldə edib

Bakı. 24 yanvar. REPORT.AZ/ 2017-ci ildə şəhər ərazisində prokurorluq və polis orqanları üzrə 12122 hadisə qeydə alındığı halda, 2018-ci ildə 309 hadisə, yəni 2,5% azalaraq 11813 hadisə olub, qeydə alınmış cinayətlərin açılma faizi 0,2% çoxalaraq 80,2%, ağır və ya xüsusilə ağır cinayətlərin sayı isə 582 hadisə və ya 30,8% azalaraq 1308 hadisə təşkil edib.

"Report"un məlumatına görə, bu barədə Bakı şəhər Prokurorluğunda keçirilən müşavirədə hesabat məruzəsi ilə çıxış edən Bakı şəhər prokuroru İlqar Abbasov bildirib.

O qeyd edib ki, 2018-ci ildə qeydə alınmış 66 qəsdən adamöldürmə cinayətinin (2017-ci ildə 59 hadisə) 4-ü istisna olmaqla (3 fakt şəxslərin xəbərsiz itkin düşməsi ilə bağlı olub), habelə 32 qəsdən adamöldürməyə cəhd cinayətinin (2017-ci ildə 38 hadisə) açılması təmin edilib.

Hesabat dövründə 76 quldurluq hadisəsi əvvəlki illə müqayisədə 8 hadisə çox olub, onlardan 8-i, qeydə alınmış ölümlə nəticələnən 212 yol-nəqliyyat hadisəsindən isə 3-ü bağlı qalıb.

2018-ci ildə şəhərin prokurorluq və daxili işlər orqanları tərəfindən istintaq edilmiş işlərin təhlili göstərir ki, prokurorluqda icraatda olan 1115 işdən 547-si, daxili işlər orqanlarının istintaq aparatlarının icraatında olan 12390 cinayət işindən 4226-sının istintaqı tamamlanıb.

2018-ci ildə baş vermiş cinayətlər nəticəsində prokurorluqda, o cümlədən Bakı şəhər prokurorluğunun İstintaq idarəsində aparılan cinayət işləri üzrə fiziki və hüquqi şəxslərə vurulmuş 6 milyon 518 min manat maddi ziyandan 4 milyon 386 min manatı (67.3%), polis orqanlarında aparılan işlər üzrə isə vurulmuş 28 milyon 862 min manat maddi ziyandan 25 milyon 80 min manatı (86,9%) istintaq zamanı ödətdirilib.

Hafiz Heydərov

Son xəbərlər

Orphus sistemi