Bakı sakininə qarşı hədə-qorxu gələn şəxslər saxlanılıb

Bakı şəhər sakininə qarşı hədə-qorxu gələn şəxslər saxlanılıb.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Nərimanov Rayon Polis İdarəsinin (RPİ) 16-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində hədə-qorxu ilə tələb etməkdə şübhəli bilinən Bakı şəhər sakinləri - O.Aslanov, A.Mineyev və Sumqayət şəhər sakini G.Cəfərov müəyyən edilərək saxlanılıb.

Faktla bağlı Nərimanov RPİ-də araşdırma aparılır.