Bakı sakini evində ölü tapılıb

Bakı. 6 sentyabr. REPORT.AZ/ Axşam saatlarında Bakının Nəsimi rayonunda yerləşən mənzillərdən birində kişi meyiti tapılıb.

"Report" xəbər verir ki, bu barədə məlumat Böhran Vəziyyətlərində İdarəetmə Mərkəzinə daxil olub.

Dərhal Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilin qapısını açıb və 1954-cü il təvəllüdlü İşirxanov Zaur Tofiq oğlunun cəsədini aşkar edərək aidiyyəti üzrə təhvil veriblər.