Şəmkir. 17 sentyabr. REPORT.AZ/ Bakı-Qazax yolunun Şəmkir rayonunun Sabir kənd ərazisindən keçən hissəsində baş vermiş yol qəzasında xəsarət alanların kimliyi məlum olub.
"Report"un Qərb bürosunun məlumatına görə, "VAZ-2106" markalı avtomobilin maneəyə çırpılması nəticəsində Şəmkir rayon sakini, 1941-ci il təvəllüdlü, Fərhad Teymur oğlu Kamranlı və onun həmyerlisi, 1948-ci il təvəllüdlü Əli Həsən oğlu Həşimov xəsarət alıblar.
Məlumata görə, onlar hüzr mərasiminə gedirmiş. Sürücü avtomobilə idarəetməni itirdiyindən nəqliyyat vasitəsi maneəyə çırpılıb.
Faktla bağlı araşdırma aparılır.
***21:00
Bakı-Qazax yolunda avtomobil qəzası baş verib.
"Report"un Qərb bürosunun məlumatına görə, hadisə Şəmkir rayonunun Sabir kənd ərazisindən keçən hissəsində baş verib.
Belə ki, "VAZ-2106" markalı avtomobil idarəetmədən çıxaraq maneəyə çırpılıb. Hadisə zamanı iki nəfərin xəsarət aldığı bildirilir.
Hadisə yerinə dövlət yol polisi əməkdaşları və təcili yardım maşını cəlb olunub.