Yuxarı
    Bağlamaq

    Azərbaycanda balıq tutmaq üçün nohura elektrik buraxan şəxsi cərəyan vurub - FOTO

    Vəziyyəti ağır olduğundan Bakı şəhərinə göndərilməsi üçün hazırlıq görülür

    Astara. 4 noyabr. REPORT.AZ/ Astara rayon sakinini elektrik enerjisi vurub. "Report"un Cənub bürosunun verdiyi xəbərə görə, hadisə rayonunun Şiyəkəran kəndi ərazisində baş verib. 

    Belə ki, həmin kəndin sakini 49 yaşlı Rahim Baladadaş oğlu İmanov yüksək gərginlikli elektrik xəttinin cərəyan vurması nəticəsində Lənkəran Rayon Mərkəzi Xəstəxanasına (RMX) çatdırılıb. Xəstəxanadan bildirilib ki, həkimlərin ilkin müayinəsindən sonra ona bütün bədənin 2-3-cü dərəcəli elektrik yanığı diaqnozu qoyularaq reanimasiya şöbəsinə yerləşdirilib: "Vəziyyəti ağır olduğundan Bakı şəhərinə göndərilməsi üçün hazırlıq görülür". 

    Qohumları R.İmanovu ehtiyatsızlıq üzündən cərəyan vurduğunu bildirib: "Onların ailəsinə məxsus balıq nohuru var. Həmin nohurda elektrik enerjisi ilə balıq ovlayan zaman ehtiyatsızlıqdan onu elektrik cərəyanı vurub".

    Faktla bağlı Astara Rayon Prokurorluğunda araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi