Azərbaycan vətəndaşı olan qadın Ukraynada avtomobil qəzasında ölüb

Tovuz. 18 avqust. REPORT.AZ/ Azərbaycan vətəndaşı olan qadın Ukraynada avtomobil qəzasında ölüb.

"Report"un Qərb bürosunun məlumatına görə, Tovuz rayon sakini, 1954-cü il təvəllüdlü Nadejda Məmmədova Kiyevə qardaşının yanına qonaq gedib.

O, Ukrayna vətəndaşı olan qardaşı, 1956-ci il təvəllüdlü Sergey Trenti ilə birgə magistral yolda avtomobill qəzasına düşüb. Belə ki, onların olduqları avtomobil başqa bir avtomobillə toqquşub. Nəticədə bacı və qardaş hadisə yerində ölüb. 

Məlumata görə, qəza nəticəsində digər avtomobilin sürücüsü də aldığı xəsarətdən ölüb.

Faktla bağlı Ukraynanın hüquq-mühafizə orqanları araşdırma aparır.