ANAMA sədri: Hazırda Xankəndi, Xocalı, Kərkicahan və Malıbəylidə minatəmizləmə işləri aparılır

Hazırda Xankəndi, Xocalı, Kərkicahan və Malıbəylidə minatəmizləmə işləri aparılır.

Bunu "Report"un sorğusuna cavab olaraq Azərbaycan Minatəmizləmə Agentliyinin İdarə Heyətinin sədri Vüqar Süleymanov 4 Aprel - Beynəlxalq Mina Xəbərdarlığı və Mina Təhlükəsi ilə Mübarizəyə Yardım Gününə həsr olunmuş mətbuat konfransında deyib.

Onun sözlərinə görə, antiterror əməliyyatlarından sonra suverenliyin bərpa olunduğu ərazilərdə minatəmizləmə əməliyyatı başladı: "Biz orada yol kənarlarında, mülki bölgələrdə, binalarda, demək olar, bütün ərazilərdə çoxlu partlayıcı qurğular, silah-sursat ələ keçirmişik. Hazırda bir neçə yaşayış məntəqəsində təmizləmə işləri aparırıq. Xüsusilə Xocalı, Kərkicahan, Malıbəyli və Xankəndidə əhalinin köçürülməsi prosesi ilə bağlı fəaliyyət davam edir".