Ağsuda təcili yardım maşını piyadanı vuraraq öldürüb

Ağsu rayonunda təcili tibbi yardım avtomobili piyadanı vuraraq öldürüb.

"Report"un Yuxarı Şirvan bürosu xəbər verir ki, hadisə rayonun Qaraqaşlı kəndində qeydə alınıb.

Belə ki, Ağsu Rayon Mərkəzi Xəstəxanasının təcili tibbi yardım avtomobili yolu keçmək istəyən kənd sakini, 1975-ci il təvəllüdlü Vəliyev İlkin Yusif oğlunu vurub.

Ağır xəsarət alan piyada hadisə yerindəcə dünyasını dəyişib.

Onun meyiti müayinə olunması üçün aidiyyatı üzrə təhvil verilib.

Hazırda faktla bağlı araşdırma aparılır.