Ağstafada həmyerlisini bıçaqlamaqda təqsirləndirilən Alim Məmmədova hökm oxunub və ona şərti cəza verilib.
"Report"un xəbərinə görə, bu barədə hökm Gəncə Ağır Cinayətlər Məhkəməsində elan olunub.
Qeyd edək ki, hadisə 2021-ci il sentyabrın 15-də Ağstafa rayonunun Xılxına kənd K.Hüseynov adına tam orta məktəbinin bağ sahəsində qeydə alınıb.
Belə ki, rayonun Poylu qəsəbə kənd sakini, 2005-ci il təvəllüdlü A.Məmmədov Qarahəsənli kənd sakini, 2003-cü il təvəllüdlü Fərrux Qasımovu şəxsi münasibətlər zəminində aralarında yaranan mübahisə zamanı bıçaqlayıb. Xəstəxanaya yerləşdirilən yaralının həyatını xilas etmək mümkün olmayıb.
İstintaq orqanı tərəfindən A.Məmmədovun barəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə ittiham irəli sürülüb.
Məhkəmənin qərarı ilə onun barəsində ev dustaqlığı qətimkan tədbiri seçilib.