Yuxarı
    Bağlamaq

    Abşeron sakini qonşusunu avtomobillə vuraraq öldürüb, sürücü komaya düşüb

    Faktla bağlı cinayət işi başlanılıb

    Bakı. 17 oktyabr. REPORT.AZ/ Abşeron rayon sakini avtomobili ilə gətirdiyi şəxsi bir dəqiqə keçməmiş vuraraq öldürüb.

    "Report"un xəbərinə görə, hadisə Mehdiabad qəsəbəsində qeydə alınıb.

    Məlumata görə, Abşeron rayon sakini (adı hələlik məlum deyil) "Ford" markalı yük avtomobili ilə gətirdiyi 1965-ci il təvvəllüdlü Mirzəyev Hafiz Budaq oğlunu küçədəki marketin yaxınlığında düşürüb. H.Mirzəyev marketə daxil olub, dərhal da çıxıb. Bir dəqiqə əvvəl onu avtomobillə gətirən qonşusu isə H.Mirzəyevi ehtiyatsızlıqdan avtomobillə vurub.

    Ağır yaralanan H.Mirzəyev sakinlərin köməkliyi ilə xəstəxanaya aparılarkən yolda dünyasını dəyişib.

    Məlumata görə, "Ford" markalı avtomobilin sürücüsü H.Mirzəyevin qonşusudur və o, hadisənin şokundan komaya düşüb.

    Faktla bağlı cinayət işi başlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi