UEFA "Qəbələ"yə daha 25 min avro vəsait ayırıb

Bakı. 21 dekabr. REPORT.AZ/ UEFA "Qəbələ" İdman Klubuna daha 25 min avro ayırıb.

"Report" AFFA-nın rəsmi saytına istinadən xəbər verir ki, bu vəsait klubun müvafiq yaş qrupundan ibarət komandasının 2018/2019 mövsümündə UEFA Gənclər Liqasının II mərhələsində iştirakına görə səyahət xərci üçün nəzərdə tutulub.

Ayrılmış məbləğ AFFA-nın vasitəçiliyi ilə “Qəbələ”nin hesabına köçürülüb.

Qeyd edək ki, “Qəbələ” UEFA Gənclər Liqasının I mərhələsində Moldova "Şerif"ini iki oyunun nəticəsində üstələyib - 1:1, 3:1. “Qırmızı-qaralar” II raundda Almaniya “Herta”sına evdə 1:3, səfərdə isə 0:1 hesabı ilə uduzaraq mübarizəni dayandırıb.