Yuxarı
    Bağlamaq

    Şimali İrlandiya yığmasının futbolçusu: "Azərbaycanla oyundan öncə öz aramızda danışmışdıq"

    İkinci mərhələ çox çətin olacaq

    Bakı. 14 noyabr. REPORT.AZ/ "Azərbaycanla oyundan əvvəl öz aramızda 4 aydan sonra qalib gəlmək, qrupda ikinci yerə yüksəlmək haqda danışmışdıq". 

    "Report"un məlumatına görə, bunu 2018-ci il dünya çempionatının seçmə qrup mərhələsinin IV tur matçında Azərbaycan milli komandasına 4:0 hesabı ilə qalib gələn Şimali İrlandiya yığmasının futbolçusu Conni Evans deyib.

    28 yaşlı müdafiəçi qrupdakı digər rəqiblərin nəticələrindən danışıb: "Çexiyanın Norveçi, Almaniyanın qrup sonuncusu San Marinonu məğlub etməsindən sonra qrupda planlaşdırdığımız vəziyyət yaranıb. Qarşıda oyunlarımız var. Çexiya və Almaniya yığmalarını da evdə qəbul edəcəyik. Norveçlə isə səfərdə görüşəcəyik. Sonuncu ev oyunumuzu Almaniyaya qarşı keçirəcəyik. Onu deyə bilərəm ki, bu qrupda ikinci mərhələ başlanğıcdan daha çətin olacaq".

    Qeyd edək ki, C qrupunda Almaniya, Azərbaycan, Çexiya, Norveç, Şimali İrlandiya və San Marino yığmaları mübarizə aparır. Hazırda Almaniya 4 oyundan 12 xal toplayaraq qrupa liderlik edir. Aktivində 7 xal olan Şimali İrlandiya və Azərbaycan isə müvafiq olaraq 2-3-cü pillələri bölüşür. Çexiya 5 xalla 4-cü, Norveç 3 xalla 5-ci pillədədir. Qrup sonuncusu San Marino yığmasının aktivində isə xal yoxdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi