Yuxarı
    Bağlamaq

    Rusiyada futbol hakimi polisin ayağını dişləyib

    Onu 15 sutkayadək həbs gözləyir

    Bakı. 21 sentyabr. REPORT.AZ/ Rusiyada hüquq-mühafizə orqanları polisin ayağını dişləyən futbol hakimini saxlayıblar. "Report"un məlumatına görə, bu barədə Daxili İşlər Nazirliyinin Sverdlovsk vilayəti üzrə Baş İdarəsindən "RİA Novosti"yə açıqlama verilib.

    Bildirilib ki, hadisəyə Yekaterinburq "Avtomobilist"i ilə Sankt-Peterburq OİK-i arasındakı hokkey üzrə ölkə çempionatı matçına hakimin buraxılmaması səbəb olub. Həmin şəxs içkili halda səs-küy salmaq istədikdə barəsində inzibati protokol tərtib olunub. Bu zaman hakim oyuna gecikməsindən qəzəblənərək, polisin ayağının yuxarı hissəsindən dişləyib. Onu "Xırda xuliqanlıq" maddəsi ilə 15 sutkayadək həbs gözləyir.

    Qeyd edək ki, həmin şəxsin Rusiya Futbol İttifaqının hakimi olduğu açıqlanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi