Yuxarı
    Bağlamaq

    Qurban Qurbanov "Qarabağ"ın Çempionlar Liqasındakı rəqibini dəyərləndirib

    Balkan klublarına qarşı oynamaq bizə həmişə çətin olub

    Bakı. 22 iyun. REPORT.AZ/ Azərbaycanın "Qarabağ" klubunun baş məşqçisi Qurban Qurbanov komandaya Monteneqro "Rudar"ını rəqib edən futbol üzrə Çempionlar Liqasının II təsnifat mərhələsinin püşkünün nəticəsini dəyərləndirib. "Report"un məlumatına görə, 43 yaşlı mütəxəssis ilk növbədə komandasının hazırlığını düşündüklərini bildirib.

    Məlum səbəblərdən "Qarabağ"ın hələ tam yığışa bilmədiyini deyən Q.Qurbanov iyunun 24-dən tam heyətlə hazırlığa başlayacaqlarını söyləyib. Bu baxımdan baş məşqçi ilk oyunadək maksimum hazır olmağa çalışmalarını vacib sayıb.

    Rəqibə gəldikdə, Q.Qurbanov bildirib ki, "Rudar"la oyun çətin olacaq: "Balkan klublarına qarşı oynamaq bizə həmişə çətin olub. Həm də onlar bizi daha yaxşı tanıyırlar. Bu dəfə də istisna deyil. Belə deyərdim ki, bu oyun bizə hamısından daha önəmlidir. Bu mərhələ "pley-off" qarşılaşmasından daha önəmlidir". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi