Yuxarı
    Bağlamaq

    FİFA prezidenti Klublararası Dünya Çempionatının iştirakçılarının sayını artırmaq istəyir

    İştirakçı sayının 16 və ya 32-dək artırılması planlaşdırılır

    Bakı. 31 avqust. REPORT.AZ/ Beynəlxalq Futbol Assosiasiyaları Federasiyasının (FİFA) prezidenti Canni İnfantino Klublararası Dünya Çempionatının iştirakçılarının sayını artırmaq niyyətindədir.

    Bu barədə "Report" TASS-a istinadən xəbər verir.

    Hazırda hər ilin dekabr ayında keçirilən Klublararası Dünya Çempionatında qitələrinin ən güclüsü olmuş 6 klubla yanaşı, turnirə ev sahibliyi edən ölkənin çempionu iştirak edir.

    "Frankfurter Allgemeine Zeitung" nəşrinin məlumatına görə, C.İnfantino artıq FİFA-nın yüksək vəzifəli şəxslərinə turnir formatının genişləndirilməsi ilə bağlı proqram təqdim edib. Ehtimal olunur ki, iştirakçı sayının 16 və ya 32-dək artırılması planlaşdırılır. Qəzet bu addımları təşkilatın gəlirlərini artırmaq istəyi ilə bağlayır.

    Qeyd edək ki, əvvəllər İnfantino dəfələrlə dünya çempionatının iştirakçılarının sayının 32-dən 40 komandaya qədər artırılması ideyası ilə çıxış edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi