Yuxarı
    Bağlamaq

    "Atletiko"nun "Qarabağ"ı qəbul edəcəyi yeni stadionda problem aşkarlanıb - VİDEO

    İnşası yekunlaşmaq üzrə olan Estadio Metropolitanonun damı su keçirməyə başlayıb

    Bakı. 29 avqust. REPORT.AZ/ Futbol üzrə Çempionlar Liqasının qrup mərhələsində “Qarabağ” klubunun rəqibi olan İspaniya “Atletiko”sunun yeni inşa edilən stadionunda problem aşkarlanıb.

    “Report”un “Marca”ya istinadən verdiyi məlumata görə, tikintisi yekunlaşmaq üzrə olan "Estadio Metropolitano"nun damı güclü qasırğadan sonra su keçirməyə başlayıb. Səbəb dam örtüyündə aparılan işlərin başa çatdırılmamasıdır.

    Madrid təmsilçi rəsmi “Twitter” səhifəsi vasitəsilə azarkeşlərə müraciət edərək, onları sakit olmağa səsləyib: “Biz hələ damın quraşdırılması ilə məşğuluq. Arxayın olun, sentyabrın 16-da hər şey ideal olacaq”.

    “Atletiko” "Estadio Metropolitano"da ilk oyununu sentyabrın 16-da İspaniya La Liqasının IV turu çərçivəsində “Malaqa”ya qarşı keçirəcək. Madriddəki 68 min nəfərlik arenada ilk ÇL matçı sentyabrın 27-də "Atletiko" ilə "Çelsi" arasında olacaq. Daha sonra həmin stadionda "Qarabağ" oynayacaq. Bu, 31 oktyabra təsadüf edəcək.

    Qeyd edək ki, "Estadio Metropolitano" 2018/2019 mövsümündə Çempionlar Liqasının final matçının keçirilməsi uğrunda mübarizədə Bakı Olimpiya Stadionunun yeganə rəqibidir. Bununla bağlı yekun qərar sentyabrın 21-də açıqlanacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi