Yuxarı

​Antonio Konte "Çelsi" klubu ilə müqavilə imzalayıb

​Antonio Konte "Çelsi" klubu ilə müqavilə imzalayıb
Müqavilənin müddəti 3 ildir

Bakı. 4 aprel. REPORT.AZ/ Futbol üzrə İtaliya yığmasının baş məşqçisi Antonio Konte İngiltərənin "Çelsi" klubu ilə müqavilə imzalayıb. "Report"un London klubunun rəsmi saytına istinadən verdiyi məlumata görə, anlaşma 3 illik nəzərdə tutulub.

46 yaşlı mütəxəssis yeni mövsümdən komandanın başında olacaq. A.Konte buna qədər İtaliya yığması ilə Fransada keçiriləcək AVRO-2016-da çıxış edəcək.

"The Sun"ın iddiasına görə, baş məşqçi yeni komandasında ildə 6 milyon avro qazanacaq.

Qeyd edək ki, A.Konte baş məşqçi karyerası ərzində İtaliyanın "Bari", "Atalanta", "Siena" və "Yuventus" klublarında da çalışıb. Ötən ilin dekabrında uğursuz nəticələr səbəbindən Joze Mourinyo ilə yollarını ayıran "Çelsi"yə hazırda Qus Hiddink başçılıq edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi