"Zirə"nin legioneri yığmada "Qarabağ"ın futbolçusuna rəqib oldu

"Zirə" klubunun futbolçusu Klesio Bauk Mozambik yığmasına dəvət alıb.

"Report"un klubun rəsmi saytına istinadən xəbər verir ki, 27 yaşlı yarımmüdafiəçi Afrika Millətlər Kubokunun Ruanda və Kabo-Verde ilə seçmə oyunları üçün milliyə çağırılıb.

Qeyd edək ki, Mozambik seçməsi martın 22-də Ruandanın qonağı olacaq. Komanda martın 30-da Kabo-Verdeni qəbul edəcək. Kabo-Verde yığmasına "Qarabağ" klubunun futbolçusu Patrik Andrade dəvət alıb.