"Zirə"nin 38 yaşlı qapıçısı: "Karyeramı davam etdirmək istəyirəm"

"Karyeramı davam etdirmək istəyirəm".

Bunu "Report"a müsahibəsində "Zirə" klubunun qapıçısı Anar Nəzirov deyib.

38 yaşlı qolkiper hazırda bunun üçün kifayət qədər gücünün olduğunu söyləyib: "Sabah necə olacağını bilmirəm. Hər şey bizim istəyimizlə həll edilmir. Kiçik zədə və başqa hadisələr karyeramızın bitməsi ilə nəticələnə bilər. Bu yaşdan sonra davam etməyi planlaşdırırıqsa, çox diqqətli olmalıyıq. Özümüzə baxmalı, məşqlərdə dözümlü olmalı, cəldliyi və çəkini saxlamalıyıq. Motivasiya və psixoloji baxımdan da hazırlıqlı olmaq vacibdir".

Təcrübəli qapıçı "Zirə"nin hələlik ona yeni müqavilə təklif etmədiyini də bildirib.

Anar Nəzirovun müsahibəsinin tam versiyasını buradan oxuya bilərsiniz.